Eneng : Abang..?
Abang : eh si Eneng *kaget ga nyangka ketemu ama si Eneng, pujaan hatinya beberapa waktu yg lalu*
Eneng : ih beneran Abang ye?duileh Abang, makin keren aje nih. Eneng ampe pangling liatnye
Abang : *jd kikuk plus saleh tingkeh * jiahh Eneng bise aje, Eneng tuh yg makin manis aje Abang liat *mencoba gombal ga penting*
Eneng : ah si Abang, Eneng mah udah manis dari dulu kali *kelewat narsis, jadi ga mempan digombal*
Abang : Eneng, dari dulu ga berubah. Eh Neng mau ke mane? Nyok Abang temenin, udeh malem bahaye anak perawan jalan sendiri.
Eneng : ayok dah Bang, Neng mau liat pasar malem di depan tuh
Cerita berlanjut dalam perjalanan..
Abang : Gerimis Neng, nih pake jaketnya Abang buat nutupin palanya si Eneng biar ga kena ujan
Eneng : makasih Bang, buset si Abang baeknya dari dolo ga ilang2 nih. Mane jaketnya? *Eneng bener2 kaga jaim dahh*
Abang : ga nyangka bisa ketemu si Eneng di sini, padahal pan udeh lama ye Neng kite ga ketemuan.
Eneng : iye Bang, udeh lama bener. Ntu die tadi Eneng kaget pas liat Abang. Ntu aje manggilnya ragu2 Bang, takut si Abang udeh ga ngenalin Eneng lagi gitu.
Abang : Eneng, ngomongnya kok gitu sih. Abang mane mungkin lupa si Eneng. Secara di hati Abang nih si Eneng pan tempatnya khusus?
Eneng : heh? Ape?
Abang : iye, biar kate kite udeh lama ga ketemu tapi Abang slalu inget Eneng. Makan inget Eneng. Tidur inget Eneng.
Eneng : waduhh si Abang, udeh kayak lagu aje
Abang : Eneng, Abang serius nih. Eneng dengerin dong, Abang suseh niy ngomongnya
Eneng : set dah, ini serius Bang? bukannya becanda ye? biasanya pan Abang becanda
Abang : aduhhh Neng, ini serius. Abang suka ama si Eneng
Eneng : jiahhhh si Abanggggg..*teriak rodo kenceng*
Abang : nape? bikin kaget aje teriakannya Eneng
Eneng : Abang..Abang..kalo Abang suka sama Eneng lah trus itu si Juleha mo ditaro di mane?
Abang : loh Eneng tau dari mane tentang si Leha? *bingung + penasaran*
Eneng : buset Abang, pan kite temenan di Pesbuk, Pet, Watsap, Osama Insta-instaan itu. Mase kagak tau, ya taulah..ckckck
Abang : ya tapi pan Abang cinte matinya ama si Eneng
Eneng : yee si Abang, idup kok egois bener yak. Kaga mikir ape perasaannya si Leha? kalo si Leha tau gimane?
Abang : Abang bakalan terus terang sama si Leha, kalo Abang dari dulu sukanya ama si Eneng bukan si Leha. Eneng kenape sih? bukannya dulu si Eneng juga suka sama Abang ye?
Eneng : hah? Waduhh..ini pegimane jelasinnye ye..*garuk2 kepala yang ga gatel*
Abang : apanya yang pegimane sih Neng? Abang tau kok isi hatinya Eneng. Udeh ga usah boongin kata hati Neng..
Eneng : yaaa Abang, jujur ye Eneng sih emang suka banget dah sama si Aba..
Abang : tuh kan Eneng juga sama *maen nyosor aje motong kalimat si Eneng*
Eneng : iye Bang, tapiii ntu pan long taim e go alias doloooo..
Abang : heh?? *cengo abiessss*
Eneng : Eneng mang pernah suka ama Abang, tapi dolo Bang. Lagian si Abang, waktu Eneng suka eh si Abang malah milih si Juleha..
Abang : tapi si Leha ntu..
Eneng : nape si Leha? Abang udeh ga cinte?
Abang : iye Neng, Abang baru sadar kalo cinte Abang cuma buat Eneng seorang *tertunduk sedih*
Eneng : Abangggg..udeh telat kalo sekarang mah
Abang : Nenggg..Abang bener2 cinte si Eneng. Juleha bakal Abang putusin dah
Eneng : set dah Abanggggg..biar kata Leha Abang putusin juga ga ngaruh. Eneng udeh punye Rojali sekarang Bang..
Abang : apeeeee??!!Rojaliii??
Eneng : iye, Rojali..maap ye Bang, cinta Eneng buat si Abang cuma ade di masa lalu. Kalo sekarang mah udeh kaga bisa, Eneng bakal nikah ama si Rojali. Maap ye Bang.. Si Abang sih waktu punya kesempatan kaga dimanpaatin..eh Bang, tuh pasar malemnye. Eneng duluan ye, udah ditungguin ama si Rojali di dalem..
Abang : Neng..*berkata lirih* akan ku tunggu jandamu..hikss..hiksss..
*jiahhhhhhh...si abang*
Si Eneng berlalu masuk ke pasar malem diiringi lagu kocak Benyamin S
"Eh ujan gerimis aje..ikan bawal diasinin..eh jangan menangis aje..bulan syawal mau dikawinin.."
Ps ;
buat si 'eneng' yang jd sumber inspirasi;maju terus pantang mundur Nenggg..masi ade Rojali di depan sanaaaa..^.^V *hehehe*
Surabaya, 10 Januari 2011
Share
Tidak ada komentar:
Posting Komentar